ರೈತರು ಬೆಳೆದ ಕಬ್ಬಿಗೆ ಎಫ್‌ಆದರ ಹೆಚ್ಚಿಸಲು ಆಗ್ರಹಿಸಿ ಅಖಂಡ ಕರ್ನಾಟಕ ರೈತ ಸಂಘದ ನೇತೃತ್ವದಲ್ಲಿ ಜಿಲ್ಲಾಧಿಕಾರಿ ಕಚೇರಿ ಮುಂಭಾಗ ನಡೆಸುತ್ತಿರುವ ಅಹೋರಾತ್ರಿ ಧರಣಿ 9 ದಿನ ಪೂರೈಸಿ ಗುರುವಾರ 10ನೇ ದಿನಕ್ಕೆ ಕಾಲಿಸಿದೆ. ಈ ಸಂದರ್ಭದಲ್ಲಿ ತಾಳಿಕೋಟಿ ತಾಲೂಕಾ ಘಟಕದ ಅಧ್ಯಕ್ಷ ಬಾಲಪ್ಪಗೌಡ ಲಿಂಗದಳ್ಳಿ ಮಾತನಾಡಿ, ಮುದ್ದೇಬಿಹಾಳ ತಾಲೂಕಿನ ಯರಗಲ್ ಬಳಿ ಇರುವ ಬಾಲಾಜಿ ಸಕ್ಕರೆ ಕಾರ್ಖಾನೆಯವರು ಉದ್ದೇಶ ಪೂರ್ವಕವಾಗಿ ರೈತರಿಗೆ ಅನ್ಯಾಯ ಮಾಡುತ್ತಿದ್ದಾರೆ.ಒಂದು ಬಾರಿ ಹೋರಾಟಕ್ಕೆ ಮಣಿದು ಎಫ್‌ಆದರ ಹೆಚ್ಚಿಗೆ ಮಾಡಿದರೆ ಪ್ರತಿ ವರ್ಷವೂ ರೈತರು ಹೋರಾಟ ಮಾಡುತ್ತಾರೆ. ಪ್ರತಿವರ್ಷವು ನಾವು ಎಫ್‌ಆದರ ಹೆಚ್ಚಿಗೆ ಮಾಡಿ ಎಲ್ಲಿಂದ ಹಣ ಕೊಡುವುದು. ಹೀಗಾಗಿ ಎಫ್‌ಆದರ ಹೆಚ್ಚಿಸಲು ಮೊಂಡುತನ ಪ್ರದರ್ಶಿಸುತ್ತಾರೆ ಎಂದು ಬಾಲಪ್ಪಗೌಡ ಲಿಂಗದಳ್ಳಿ ಹೇಳಿದ್ದಾರೆ. ಈ ಹಿಂದೆ ಕಾರ್ಖಾನೆ ಬಳಿ ಪ್ರತಿಭಟನೆ ಮಾಡುವ ಸಂದರ್ಭದಲ್ಲಿ ರಾತ್ರಿ ಹೊತ್ತಿನಲ್ಲಿ ಸಭೆ ಸೇರಿದಾಗ ಒಟ್ಟಾರೆ ಹೋರಾಟಕ್ಕೆ ಗೌರವಕ್ಕೊಟ್ಟು ಜಿಲ್ಲಾಧಿಕಾರಿಗಳ ಮುಂದೆ ಸಿಹಿ ಸುದ್ದಿ ಕೊಡುವುದಾಗಿ ಬಾಲಾಜಿ ಸಕ್ಕರೆ ಕಾರ್ಖಾನೆಯ ಮುಖ್ಯಸ್ಥರು ಆಡಳಿತ ಮಂಡಳಿ ಭರವಸೆ ನೀಡಿದ್ದಾರೆ. ಆದರೆ ಕೊಟ್ಟ ಭರವಸೆಯನ್ನು ಮರೆತು ನಾವು ಬೀದಿಗೆ ಬಂದು ಚಳಿಯನ್ನು ಲೆಕ್ಕಿಸದೆ ಕಳೆದ 10 ದಿನಗಳಿಂದ ಧರಣಿ ಸ್ಥಳದಲ್ಲಿಯೇ ಮುಕ್ಕಾಂ ಹೂಡಿದ್ದೇವೆ. ಸ್ವಲ್ಪವೂ ಮಾನವೀಯತೆ ಇಲ್ಲದ ಸಕ್ಕರೆ ಕಾರ್ಖಾನೆ ಆಡಳಿತ ಮಂಡಳಿ ಹಾಗೂ ಮುಖ್ಯಸ್ಥರು. ರೈತರ ತಾಳ್ಮೆಯನ್ನು ಪರೀಕ್ಷಿಸುತ್ತಿದ್ದಾರೆ. ಇದೇ ರೀತಿ ಮೊಂಡುತನ ಮುಂದುರೆಸಿದರೇ ಕಾರ್ಖಾನೆ ಆಡಳಿತ ಮಂಡಳಿ ಹಾಗೂ ಮುಖ್ಯಸ್ಥರಿಗೆ ತಕ್ಕ ಪಾಠ ಕಲಿಸಬೇಕಾಗುತ್ತದೆ.ಜಿಲ್ಲಾಧಿಕಾರಿಗಳ ಕಛೇರಿ ಮುಂಭಾಗದಲ್ಲಿ ನಡೆಸುತ್ತಿರುವ ಧರಣಿಯನ್ನು ಸ್ಥಳಾಂತರಿಸಿ ಮತ್ತೆ ಸಕ್ಕರೆ ಕಾರ್ಖಾನೆಯಲ್ಲಿ ನಡೆಸಬೇಕಾಗುತ್ತದೆ. ಅದಕ್ಕೆ ಅವಕಾಶ ಕೊಡದೆ ಕಾರ್ಖಾನೆಯವರು ತಕ್ಷಣ ಎಫ್‌ಆ ದರ ಹೆಚ್ಚಿಸಿ ಘೋಷಣೆ ಮಾಡಿ ಹೋರಾಟವನ್ನು ಶಮನಗೊಳಿಸಬೇಕೆಂದು ಬಾಲಪ್ಪಗೌಡ ಲಿಂಗದಳ್ಳಿ ಒತ್ತಾಯಪಡಿಸಿದ್ದಾರೆ. ಈ ಸಂದರ್ಭದಲ್ಲಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಅರವಿಂದ ಕುಲಕರ್ಣಿ, ಯಲ್ಲಾಲಿಂಗ ಹೂಗಾರ, ಶರಣಗೌಡ ಬಿರಾದಾರ, ಚನಬಸಪ್ಪ ಸಿಂಧೂರ, ದಾವಲಸಾಬ ನಧಾಫ, ಸಂಗನಗೌಡ ಬಿರಾದಾರ, ಗಿರಮಲ್ಲಪ್ಪ ದೊಡಮನಿ, ಬಸನಗೌಡ ಬಿರಾದಾರ, ನಾಗರಾಜ ಹಿರೂರ, ಬಸನಗೌಡ ಬಸರಕೋಡ, ಬಸನಗೌಡ ಜಾಲಿಕಟ್ಟಿ, ರಾಮನಗೌಡ ಬಾಲರಡ್ಡಿ, ಪ್ರಭು ಹೂಗಾರ ಸೇರಿದಂತೆ ಇತರರು ಇದ್ದರು.
