ಪಟ್ಟಣದ ಯುಕೆಪಿ ಸಮೀಪದ ರಾಷ್ಟ್ರೀಯ ಹೆದ್ದಾರಿ 218ರ ಕೃಷ್ಣ ನದಿ ಸೇತುವೆ ಮೇಲೆ ಬುಧವಾರ 11:30 ಕುರಿಗಾಹಿ ತನ್ನ ನೂರಾರು ಕುರಿಗಳನ್ನು ಪಡೆದುಕೊಂಡು ಮರಳಿ ಗ್ರಾಮಕ್ಕೆ ಹೋಗುತ್ತಿರುವಾಗ ಹಿಂದಿನಿಂದ ಬಂದ ಅಪರಿಚಿತ ವಾಹನ ಕುರಿಗಳ ಹಿಂದಿನ ಮೇಲೆ ಹಾಯ್ದು ಹೋಗಿದ್ದು ಸ್ಥಳದಲ್ಲಿಯೇ 20 ಕುರಿಗಳು ಸಾವನ್ನಪ್ಪಿದ್ದು 14 ಕುರಿಗಳಿಗೆ ಗಾಯವಾದ ಘಟನೆ ಜರುಗಿದೆ.
ಬೀಳಗಿ ತಾಲೂಕಿನ ಕಂದಗಲ್ ಗ್ರಾಮದ ಮುತ್ತಪ್ಪ ಸಿದ್ದಪ್ಪ ಕುರಿ ಎಂಬುವವರು ಕಳೆದ ಒಂದು ತಿಂಗಳಿನಿಂದ ತಾಲೂಕಿನ ಬಳೂತಿ ಗ್ರಾಮದಲ್ಲಿ ಕುರಿ ಮೇಯಿಸಲು ತನ್ನ ನೂರಾರು ಕುರಿಗಳೊಂದಿಗೆ ಬಂದಿದ್ದರು.ಅವರು ಬುಧವಾರ ಮರಳಿ ಕಂದಗಲ್ ಗ್ರಾಮಕ್ಕೆ ಹೋಗುತ್ತಿರುವಾಗ ರಾತ್ರಿ ಈ ಘಟನೆ ಸಂಭವಿಸಿದೆ ಕುರಿಗಾಹಿ ಸಿದ್ದಪ್ಪನಿಗೆ ಗಾಯವಾಗಿದ್ದು ಅವರನ್ನು ಆಸ್ಪತ್ರೆಗೆ ಕಳುಹಿಸಿಕೊಡಲಾಗಿದೆ ಈ ಸಂದರ್ಭದಲ್ಲಿ 14 ಕುರಿಗಳಿಗೆ ಅಲ್ಪಸ್ವಲ್ಪ ಗಾಯವಾಗಿದೆ.
ಘಟನಾ ಸ್ಥಳಕ್ಕೆ ಕೊಲಾರ್ ಪೊಲೀಸ್ ಪಿಎಸ್ಐ ಪ್ರೀತಮ್ ನಾಯಕ್ ಭೇಟಿ ನೀಡಿ ತುರ್ತು ಕ್ರಮ ಕೈಗೊಂಡು ಗಾಯಾಳು ಕುರಿಗಳನ್ನು ಆಸ್ಪತ್ರೆಗೆ ರವಾನಿಸಿದರು ಕೊಲ್ಹಾರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
